Borrell Avropa İttifaqını müharibəyə hazırlaşmağa çağırdı
Avropa İttifaqı (Aİ) diplomatiyasının rəhbəri Jozep Borrell Avropa ölkələrindəki çətin sosial-iqtisadi vəziyyət fonunda Ukraynaya dəstək üçün xərclərin artırılmasının asan olmayacağını etiraf edib, lakin bununla belə qeyd edib ki, əgər Avropa ölkələri sülh istəyirlərsə, müharibəyə hazırlaşmalıdırlar.
O, bu fikirləri öz bloqunda yazıb.
“Mən bilirəm ki, hazırda bütün Avropa ölkələrində iqtisadi və sosial vəziyyət çox gərgindir. Və mən yaxşı bilirəm ki, bu kontekstdə Ukraynanı dəstəkləmək üçün hərbi xərcləri artırmaq, müdafiə qabiliyyətimizi inkişaf etdirmək və müdafiə sənayemizi gücləndirmək asan olmaya bilər. Ancaq bununla belə, bunu etmək lazımdır... “Si vis pacem, para bellum” - Əgər sülh istəyirsinizsə, müharibəyə hazırlaşın”, - Borrell bildirib.
