Yaxın Şərqdəki savaş iqtisadiyyata mənfi təsir edəcək - Qiymətlər artacaq
“Yaxın Şərq regionunda savaşın genişlənməsi şübhəsiz ki, dünya iqtisadiyyatına mənfi təsir göstərəcək. Bu qarşıdurma ilk növbədə karbohidrogen ehtiyatlarını bahalaşdıracaq. Yaxın Şərq bu ehtiyatlarla zəngin regiondur. Bu mənada müharibənin coğrafiyasının genişlənməsinin ilk növbədə birjalarda neft və neft məhsullarının qiymətində artma və ya azalma istiqamətində sıçrayışlara gətirib çıxarması ehtimalı böyükdür. Bu fonda qiymətlər kəskin arta bilər”.
Bunu bakupost.az -a iqtisadçı ekspert Fuad İbrahimov deyib.
Onun sözlərinə görə, gözlənilənlərin əksi də ola - qiymətlər kəskin şəkildə aşağı enə bilər:
“Yaxın Şərq regionunda savaşın genişlənməsi dolayı yolla Süveyş kanalına da təsir edəcək. Bu kanalın dünya ticarətində rolu kifayət qədər böyükdür. Süveyş Qərblə Şərq arasında ən yüklü dəhlizlərdən biri sayılır. Müharibənin genişlənməsi həmin kanaldan sitifadə etməklə təchizat prosesinin pozulmasına gətirib çıxaracaq”.
