Hər bir Azərbaycan vətəndaşının 2 min 637 manat borcu var
01 mart, 2024 11:48
Bu ilin yanvar ayının 1-nə olan məlumata görə Azərbaycanın dövlət borcu 26 milyard 850,4 milyon manat olub.
Azərbaycanın dövlət borcu 2023-cü ildə qeydə alınan ÜDM-nin 21,8%-nə bərabər olub.
Qeyd edək ki, ümumi dövlət borcunun 10 milyard 984 milyon manatı (6 milyard 461,2 milyon dollar) xarici borclar, 15 milyard 866,4 milyon manatı isə daxili borclar olub.
Bu ilin yanvar ayının 1-də Azərbaycan əhalisinin 10 milyon 181 min nəfər olduğunu nəzərə alsaq, adambaşına düşən borc 2 min 637 manata bərabər olur. Bunun 1 079 manatını adambaşına düşən xarici borc təşkil edib.
