Kursk cəbhəsi: Rusiya Ukraynanın istədiklərini hələ tam etmir... - "Economist"

Kursk vilayətindəki əməliyyat ukraynalıların əhval-ruhiyyəsini yüksəldir, lakin digər nəticələr barədə heç nə aydın deyil, Rusiya cəbhənin digər sektorlarından bölmələri Ukrayna komandanlığının arzuladığı templə çıxarmır. 

Bunu "Economist" jurnalı yazıb.

“Minimum məqsəd, görünür, rus qoşunlarını bu müharibənin əsas sektorları olan Xarkov və Donbassdan çıxarmaqdır. Hələlik, gördüyümüz qədər, nəticələr qarışıqdır. Rusiya Xarkov cəbhəsindən qoşun çıxarır, lakin indiyədək Donbass cəbhəsindən qat-qat az qoşun çıxarıb”, - “Economist” yazır.

"Onlar qüvvələri dislokasiya edirlər, lakin bizim istədiyimiz qədər tez deyil. Onlar bilirlər ki, biz logistikanı 80-100 kilometrdən çox uzada bilmərik”, - jurnal Ukrayna Baş Qərargahındakı anonim həmsöhbətdən sitat gətirir.

"Lakin bu əməliyyat artıq qeyri-maddi, lakin çox vacib bir şeyə təsir edib - əhval-ruhiyyə", - deyə qeyd olunub.

“Uzun müddətdən sonra ilk dəfə irəliləyirik. Özümü pələng kimi hiss etdim”, - kod adı Anqol olan əsgərlərdən biri deyib.

"Times" isə yazır ki, Kiyev Rusiyanın Kursk vilayətinin işğalına cavab olaraq Ukraynadakı parlament binalarına və hökumətin digər qollarına kütləvi raket zərbələri endirməyə çalışacağına hazırlaşır. Bu barədə Britaniya qəzetinə anonimlik şərti ilə Ukrayna hərbi idarəsinin yüksək rütbəli nümayəndəsi bildirib.

Qəzet həmsöhbətindən sitat gətirir: “Rusiya çox sərt cavab vermək, dünyaya özünün hər şeyə qadir olduğunu və Kursk vilayəti kimi hadisələrin cəzasız qalmadığını göstərmək üçün nəsə etmək istəyəcək və bu, 4 raket deyil, bəlkə də yüzlərlə, qanadlı raketlər, ballistik raketlər və kamikadzelərdən istifadə edərək birləşmiş zərbə olacaq. Bu isə bizim hava hücumundan müdafiəmiz üçün böyük problemə çevrilə bilər. Amma düşünürəm ki, biz onları dayandıra bilərik”, - Kiyevdəki mənbə bildirib.

Rusiya müharibənin ilk günündən Kiyevə dəfələrlə raket zərbələri endirməyə cəhd edib, lakin Ukraynanın hava hücumundan müdafiəsi indiyədək bu hücumların demək olar ki, hamısını dəf etməyi bacarıb.

Qeyd edək ki, Kursk əməliyyatı avqustun 6-da başlayıb. Ötən gün Ukrayna prezidenti Volodimir Zelenski ilk dəfə olaraq Ukraynanın Kursk vilayətinə hücumu barədə danışıb. O deyib ki, Ukrayna “ədaləti bərpa edir” və “təcavüzkara təzyiq göstərir”. Rusiya rəsmiləri hücuma görə “güclü cavab” veriləcəyini qeyd ediblər.