"Atam heç vaxt Xameneiyə qarşı çıxmaz" - Pezeşkianın oğlu atasını tənqid edənlərə səslənib
01 oktyabr, 2024 15:53
Hizbullah lideri Həsən Nəsrullahın öldürülməsindən sonra İran prezidenti Məsud Pezeşkiana qarşı artan tənqidlərin ardından prezidentin oğlu Yusif Pezeşkian “X” hesabında paylaşım edib.
O, atasını tənqid edənlərlə bağlı bu ifadələri işlədib: “Hakimiyyətin ümumi siyasəti, müharibə və sülh məsələləri ilə bağlı qərar vermək İranın dini rəhbəri Əli Xameneyinin səlahiyyətindədir, Pezeşkian isə ona tabedir və heç vaxt onun əmrlərinə qarşı çıxmaz”.
Yusif Pezeşkian bildirib ki, bu cür tənqidlər İsrailin əməliyyatlarının davamıdır. O, bir vətəndaş kimi nəzarət qurumlarından atasına qarşı qərəzli açıqlamaların araşdırılmasını gözlədiyini vurğulayıb.
