Rəsmi Bakı Suriyadakı yeni rejimə dostluq əli uzatmalıdırmı? - "Diplomatik böhran var"

"Əminəm ki, Suriyada stabilliyi əldə etmək üçün Azərbaycan da ən az Türkiyə və bölgədə olan digər ölkələr qədər töhfə verəcək".

Bunu keçmiş xarici işlər naziri Tofiq Zülfiqarov bildirib.

O, Azərbaycan və Türkiyə prezidentlərinin telefon söhbəti zamanı Bəşər Əsəd rejiminin süqutundan sonra Suriyanın dirçəldilməsi üçün birgə səslər göstərilməsi barədə razılığı bu cür şərh edib.

“Bu yardım təkcə humanitar yox, digər sahələrdə də olacaq. Azərbaycanın lazımi imkanları mövcuddur. Əminəm ki, Suriyada stabilliyi əldə etmək üçün Azərbaycan da ən az Türkiyə və bölgədə olan digər ölkələr qədər töhfə verəcək", - deyə eks-nazir vurğulayıb.

O əlavə edib: "Hazırda suriyalıların öz ölkələrinə qayıdış dalğası müşahidə olunur. Onlara humanitar yardımın göstərilməsi əsas məsələdir. Onlara hansısa humanitar xidmətlərin göstərilməsi mümkündür. Yəni ümumən göstərilə biləcək yardım və dəstəyin siyahısı olduqca genişdir. Ancaq bunlar hələlik ehtimallardır. Düşünürəm ki, Ərdoğan və Əliyev arasında telefon söhbətində vəziyyətdən irəli gələn məsələlər müzakirə olunub”.

Tofiq Zülfüqarov Suriyada hakimiyyətə gəlmiş silahlı müxalifətə, o cümlədən "Heyət Təhrir əl-Şam" lideri Əhməd əl-Şəraaya (əl-Colaniyə) şübhələri qalmaması, xüsusən, onun terrorçu keçmişinə şübhələrin qalması rəyi ilə razılaşır.

"Sizcə, rəsmi Bakı yaxın vaxtlarda müvəqqəti hökuməti tanıması və onunla əməkdaşlıq etməsi düzgündürmü" sualına keçmiş nazir belə cavab verib:

“Suriyada hələlik 3 aylıq müddət ərzində müvəqqəti hökumət fəaliyyət göstərəcək. Sualda qoyulan məsələ ilə əlaqədar hələ hansısa konkret nəticəyə gəlmək, fikrimcə, tezdir. Çünki koalisiya hələ indi-indi formalaşır.

Əl-Şəraanın fəaliyyəti və gələcək addımlarından çox şey asılıdır. Gərək bəzi məsələlər öz yerini tapsın, münasibətlərin hansı səviyyədə qurulacağını daha sonra müəyyən etmək olar. Reallıq odur ki, dünyanın bir çox ölkəsi ilə hazırki Suriya rəhbərliyi arasında diplomatik böhran var”(yenisabah.az).