Laricani Rusiyaya niyə səfər edib? - "Tayms"
İran rəhbəri Əli Xameneinin müşaviri Əli Laricani də daxil olmaqla, rəsmilər son vaxtlar İran hökumətinin hərbi və müdafiə qabiliyyətini, o cümlədən nüvə silahı əldə etmək imkanlarını gücləndirmək məqsədi ilə bir neçə dəfə gizli şəkildə Rusiyaya səfər ediblər.
Bu barədə “Tayms” nəşri məlumat yayıb.
Məlumata görə, Laricani son aylarda bir neçə dəfə gizli uçuşlarla Rusiyaya səfər edib və İranın nüvə proqramı və hava hücumundan müdafiə sistemlərində Moskvadan kömək almaq üçün yüksək səviyyəli rus rəsmiləri ilə qapalı danışıqlar aparıb.
“O, rejimin əsas adamlarından biri, Xameneinin nümayəndəsidir və əhəmiyyətli planları idarə etmək və onları həyata keçirməklə tanınır... Onun Moskvaya gizli uçuşları İran və Rusiya arasında münasibətlərin qarşılıqlı şəkildə dərinləşdiyini və daha da artdığını göstərir”, - “Tayms” qeyd edib.
