"İsrail Qəzzada HƏMAS-ın hərbi imkanlarını məhv edə bilmədi" - "Foreign Affairs"
29 yanvar, 2025 12:10
“İsrailin Baş naziri Benyamin Netanyahu HƏMAS hərəkatını məhv etmək vədinə əməl etməyib və İsrailin Qəzza zolağında keçirdiyi əməliyyatın məqsədlərinə nail olmayıb”.
Bu fikir “Foreign Affairs” jurnalında dərc olunan məqalədə deyilib.
Jurnalın qiymətləndirməsinə görə, həm silahlılar, həm də mülki şəxslər arasında böyük itkilərə baxmayaraq, qrup üzvləri hərbi və siyasi potensiallarını qoruyub saxlayıblar. Məqalədə deyilir ki, İsraildə Netanyahunun siyasətindən xalqın narazılığı artmaqdadır, çünki onlar anklavda yanvarın 19-da qüvvəyə minən atəşkəs razılaşmasının “HƏMAS-a sağ qalmasına və tezliklə Qəzzaya nəzarəti bərpa etməyə imkan verə biləcəyindən” ehtiyat edirlər.
