Bu dəfə... - 539 "Şahed", 10 "İsgəndər" raketi

Ötən gecə Rusiya Ukrayna ərazisinə 550 PUA ilə hücum edib. Hücumlar xüsusilə, Kursk, Şatalovo, Orel, Bryansk, Millerovo, Primorsko-Axtarsk istiqamətlərindən buraxılmış 539 “Şahed” tipli zərbə dronları və müxtəlif növ imitasiya dronları ilə edilib.

Ukrayna Hərbi Hava Qüvvələrinin Telegram kanalında bildirildiyinə görə, Rusiyanın Lipetsk vilayətinin hava məkanından 1 ədəd X-47 M2 “Kinzhal” aero-ballistik raketi, Bryansk vilayətindən 6 ədəd “İsgəndər-M/KN-23” ballistik raketi və Kursk və Voronej vilayətlərindən 4 ədəd “İsgəndər-K” qanadlı raketi buraxılıb.

Ukraynanın daxili işlər naziri İqor Klimenkonun sözlərinə görə, Kiyevdə gecə baş verən hücum nəticəsində artıq 20-dən çox yaralı var.

Solomyanski rayonunda beşmərtəbəli yaşayış binası qismən dağılıb, yeddimərtəbəli binanın damı yanıb. Həmçinin mülki infrastruktur ziyan görüb.

Svyatoşin rayonunda 14 mərtəbəli yaşayış binasına raket zərbəsi endirilib,binada yanğın baş verib.