Azərbaycan ildə 2.4 milyard... - Ekspert maraqlı faktlar açıqladı

“Biz çalışıb rəqabətqabiliyyətli məhsul istehsal etməliyik. Bu gün dünya bazarında Azərbaycanın istehsal edə biləcəyi məhsulların hamısına tələbat var. Biz əgər rəqabətqabiliyyətli məhsul istehsal edə bilsək, satış üçün bir o qədər bazar axtarmağa ehtiyac yoxdur”.

Bu sözləri aqrar məsələlər üzrə ekspert Vahid Məhərrəmov deyib.

O, bildirib ki, keyfiyyətli və rəqabət qabiliyyətli məhsula bütün ölkələrin ehtiyacı var:

“Biz çalışıb rəqabətqabiliyyətli məhsul istehsal etməliyik. Bu gün dünya bazarında Azərbaycanın istehsal edə biləcəyi məhsulların hamısına tələbat var. Əgər rəqabətqabiliyyətli məhsul istehsal edə bilsək, satış üçün bir o qədər bazar axtarmağa ehtiyac yoxdur. Keyfiyyətli və rəqabətqabiliyyətli məhsula bütün ölkələrin ehtiyacı var.  Dördpendirli pizza

Deyək ki, biz hansısa məhsulu daha ucuz və keyfiyyətli istehsal edirik. Qonşu Gürcüstan yaxud Ermənistan belə olan təqdirdə artıq bizimlə rəqabət apara bilmir. Mütləq həmin ölkələrin sahibkarları bu məhsullar üzrə bizə üz tutacaqlar. Çünki əksər ölkələrdə bazar iqtisadiyyatı mövcuddur və hamı çalışır ki, ucuz və keyfiyyətli məhsul əldə etsin. Azərbaycanın iqlim və torpaq şəraiti imkan verir ki, məhsuldarlığı artırsın”. 

Ekspert vurğulayıb ki, idxal olunan məhsulların bir çoxunu daxili istehsalat hesabına qarşılamaq olar:

“Bu gün bizim bütün ölkələrlə müqavilələrimiz var. Müqavilə sadəcə kağız parçasıdır. Onun arxasında mal-məhsul durmalıdır. Məhsulu isə istehsal etmək lazımdır. Belə olarsa, biz heç yanda bazar axtarmağa ehtiyac olmayacaq. 

Daxildə nəhəng topdan satış mərkəzi yaradarıq və bütün daxildəki istehsalçılar öz məhsullarını həmin mərkəzə çıxarar. Digər ölkələrdən də sahibkarlar gələr və müqavilə əsasında həmin məhsulları alıb aparar. Biz bununla məşğul olmalıyıq. Bizim dünyanın bütün ölkələri ilə müqaviləmiz olsa belə, əgər məhsul istehsal etmiriksə, müqavilənin heç bir faydası olmayacaq. 

Azərbaycan illik 2 milyard 400 milyon dollar dəyərində yeyinti məhsulları idxal edir. Halbuki bu məhsulların bəzilərini istisna etsək, yerdə qalan hamısını ölkəmizdə istehsal edə bilərik. Problem ondadır ki, bir çox məhsulların istehsalında əksinə, azalma var. Düşünürəm ki, bu istiqamətdə effektiv addımlar atılmalıdır”.

Qeyd edək ki, “Azərbaycan Respublikası Hökuməti ilə Birləşmiş Ərəb Əmirlikləri Hökuməti arasında Hərtərəfli İqtisadi Tərəfdaşlıq Sazişi” imzalanıb. Saziş iki ölkənin prezidentləri İlham Əliyev və Şeyx Məhəmməd bin Zayed Al Nəhyanın iştirakı ilə imzalanıb. (yenisabah.az).