Peskov Ankoriç ruhunun sirrini açdı - Ukrayna müharibəsində böyük sıçrayışın 28 gizli bəndi
Rusiya Prezidentinin mətbuat katibi Dmitri Peskov Ukrayna münaqişəsinin həlli istiqamətində Vaşinqton və Moskva arasında əldə olunmuş "Ankoriç razılaşmaları"nın sülh prosesində həlledici rol oynayacağını bəyan edib.
Peskov bu razılaşmalar toplusunu "Ankoriç ruhu" adlandıraraq, onların nizamlanma prosesini yerindən oynatmaq qüdrətinə malik olduğunu vurğulayıb.
"Ankoriç ruhu" və Stiv Uitkoffun gizli missiyası
Peskovun sözlərinə görə, bu anlayış Trampın Yaxın Şərq və Ukrayna üzrə xüsusi elçisi Stiv Uitkoffun Moskvaya səfəri zamanı formalaşmağa başlayıb və Alyaskanın Ankoriç şəhərindəki görüşlərdə son variantını alıb:
"Peskov Ankoriçdə əldə olunan "anlaşmaları" sülhün təməl daşı kimi xarakterizə edib. Məhz bu ortaq məxrəc Rusiya və ABŞ liderlərinin (Putin və Tramp) zirvə görüşünün keçirilməsini zəruri edib.
Rusiya KİV-lərinə sızan məlumatlara görə, "Ankoriç formulu" Ukrayna qoşunlarının Donetsk vilayətinin bütün ərazisindən çıxarılması, əvəzində isə müharibənin faktiki təmas xətti boyunca "dondurulmasını" nəzərdə tutur.
"Sülh Şurası" və dondurulmuş aktivlər
Kreml sözçüsü Rusiya tərəfinin daha bir sensasion təklifinə diqqət çəkib. Belə ki, Rusiya Donald Trampın yaratdığı "Sülh Şurası"na (Board of Peace) üzvlük haqqı kimi, ABŞ-da dondurulmuş 1 milyard dollarlıq aktivindən istifadə etməyi təklif edib.
Peskov bildirib ki, Moskva hələ də dondurulmuş vəsaitlərin Şuraya köçürülməsi ilə bağlı Vaşinqtondan rəsmi cavab almayıb.
Qəzzanın bərpası: Bu vəsaitin ilk növbədə Fələstin xalqına dəstək və Qəzza zolağının bərpası üçün istifadə olunması təklif edilir.
Peskov həmçinin ABŞ-ın Kubaya qarşı tətbiq etdiyi sanksiyaları kəskin tənqid edərək, bunları "boğucu fəndlər" adlandırıb. O qeyd edib ki, Vaşinqtonun bu addımları Kuba xalqı üçün ciddi çətinliklər yaradır və Rusiya "kubalı dostları" ilə diplomatik kanallar vasitəsilə intensiv əlaqədədir, onlara lazımi dəstəyi göstərməyə hazırdır.
