"Hər yerdə erməninin ixrac etdiyi məhsulları blokadaya salıb, onlara ziyan vurmaq lazımdır" - Vahid Əhmədov
Ermənistanın hərbi təxribatı nəticəsində baş verən 4 günlük müharibənin məqsədi enerji çəkişməsilə bağlıdır.
Azsiyasət.com modern.az-a istinadən xəbər verir ki, bu fikirləri Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov bildirib.
V.Əhmədov qeyd edib ki, neft-qaz kəmərləri məhz Tovuz rayonunun ərazisindən keçdiyindən düşmən o istiqamətdə aktivləşib:
“Ermənilər faktiki olaraq enerji layihələrini pozmaq üçün belə təxribatçı addım atdılar. Bunu isə özbaşına etmədilər. Ermənistanı bu addımı atmağa vadar edən dövlət var. Rusiya çox maraqlı idi ki, Azərbaycan enerji layihələrini onların vasitəsilə xaricə çıxartsın. Amma cənab Prezident İlham Əliyev siyasi iradə ortaya qoyaraq, Azərbaycanın qaz kəmərlərinin Gürcüstan və Türkiyə vasitəsilə Qərbə çıxışını təmin etdi. Həmin vaxt ölkədə çox ciddi problemlər də yaşanmışdı. Nəhayət, 2012-ci ildə bu müqavilələr imzalandı və TANAP, TAP layihələri reallaşdırıldı. Digər tərəfdən, pandemiya ilə əlaqədar dünya bazarında Rusiya qazına ehtiyac kəskin azalıb. O cümlədən, Türkiyə Rusiyadan qaz almaq istəmir, çünki Azərbaycan qazı onlara daha çox sərfəlidir. Hətta bu məsələ ilə əlaqədar Rusiya-Türkiyə münasibətlərində müəyyən gərginləşmələr gözlənilir. Son proseslərdə Türkiyə dövlət başçısı, hərbi nazir, xarici işlər nazirinin atdığı addımlar təqdirəlayiqdir. Birmənalı olaraq, onlar Azərbaycanın yanında olduqlarını bildirdilər”.
Deputat 4 günlük müharibədə Şəhid düşən hərbçilərimizin ailə üzvlərinə başsağlığı verib, onlara səbr diləyib:
“Tovuzdakı Qarqaya yüksəkliyi böyük startej əhəmiyyətə malikdir. Təsadüfi deyil ki, həmin yüksəliyin düşmənə verilməməsi üçün hərbçilərimiz şəhid oldu. Onların hər birinin ailəsinə səbr diləyirəm”.
Vahid Əhmədov həmçinin Rusiyada fəaliyyət göstərən iş adamlarına müraciət edib:
“Bu gün Qod Nisanov, İlham Rəhimovla danışdım. Onların Rusiya bazarında erməniləri sıxışdırması təqdirəlayiqdir, hazırkı vəziyyətdə ermənilərin malları əllərində qalıb, onu sata bimirlər. Rusiyada çalışan bütün biznesmenlərimizə müraciət edərək, xahiş edirəm ki, İlham Rəhimov, Qod Nisanovun atdığı addımlara dəstək olsunlar. Hər yerdə erməninin ixrac etdiyi məhsulları blokadaya salıb, onlara ziyan vurmaq lazımdır. Bölgədə vəziyyət gərgindir. Ermənistan isə bu gərginliyi yaradan dövlətin oyuncağıdır, onun istədiyi kimi hərəkət edir. Amma məsələ bu cür davam edə bilməz”.
