"Rusiya bizə elə silahlar verirdi ki..." - Erməni general Rusiyanın müharibədə iştirakından danışır

“Rusiya müharibə dövründə Ermənistana tələb olunan bütün silahları, hətta daha artığını çatdırırdı”.

Belə etirafla bu gün İrəvanda keçirdiyi mətbuat konfransında Ermənistan Silahlı Qüvvələrinin keçmiş Baş Qərargah rəisi, general-polkovnik Movses Akopyan çıxış edib.

“Rusiya müharibənin ilk günlərindən Ermənistana elə silahlar çatdırırdı ki, biz bu haqda xəyal belə edə bilməzdik. Bunlar Ermənistanın hökumət rəhbərinin Rusiya prezidenti ilə danışığından əvvəl edilirdi”, - Akopyan razılıqla bildirib. O, həmçinin əlavə edib ki, bu müharibə dövründə Qusiya həqiqi dost kimi davranıb, baxmayaraq ki, Ermənistan rəhbərliyi özünü çox da adekvat aparmırdı.

Akopyanın bu etirafları ondan xəbər verir ki, 44 günlük müharibəni Ermənistanla birlikdə Rusiya da uduzub. Belə ki, Rusiya rəhbərliyi sözdə neytral kimi görünsə də, Ermənistanın məğlub olmaması üçün əlindən gələni edib, sərəncamında olan ən müasir silahları bu ölkəyə təqdim edib. Lakin bizim sərəncamımızda olan Türkiyə və İsrail silahlarının və Azərbaycan əsgərinin əzmi, qəhrəmanlığı sayəsində istəyinə nail ola bilməyib və biabırçı şəkildə məğlub olub.