Bayden İsraili təəccübləndirib - Bu ölkə barədə bircə kəlmə də kəsməyib
Amerika Birləşmiş Ştatlarının (ABŞ) prezidenti Co Bayden fevralın 4-də (İsrail vaxtı ilə) yaxın 4 il üçün ölkəsinin əsas xarici siyasət istiqamətləri üzrə ilk çıxışını edib. Vəzifəsinin icrasına bu yaxınlarda başlamış Bayden Çin və Rusiya barədə xeyli danışıb, ancaq «İran problemi»ndən yan keçib və İsrail barədə bircə kəlmə də kəsməyib.
Bu barədə yəhudi dövlətinin KİV-i cümə günü yazıb.
«Biz, əvvəlki diplomatiyaya qayıdırıq və bütün müttəfiqlərimizlə münasibətləri bərpa etmək niyyətindəyik ki, müasir dövrün koronavirus pandemiyası və qlobal istiləşmə kimi qlobal çağırışlarına cavab verək. Və biz, əvvəlki kimi, bütün dünyada demokratiya və insan hüquqlarının keşiyində dayanacağıq» - ABŞ lideri öz çıxışında bəyan edib.
«ABŞ bundan sonra da beynəlxalq səhnədə olmamağı özünə rəva görə bilməz. Biz, azad dünyanın lideri statusunu bərpa edəcəyik, amma qlobal nümunə göstərmək qabiliyyəti sayəsində» - prezident davam edib.
Müasir dövrün çağırışlarından danışarkən, Bayden qlobal istiləşməni, Myanmadakı hərbi çevrilişi, Yəməndə müharibəni və Səudiyyə Ərəbistanını (İranın təcavüzü təqdirində, ABŞ bu ölkənin suverenliyini müdafiə etməyə hazırdır) xatırladıb.
Bayden çıxışının böyük hissəsini Çinin iqtisadi təcavüzünə və ona qarşı birgə dayanmağın, Rusiyanın «düşmənçilik addımlarına» cavab verməyin vacibliyinə həsr edib. Ancaq ABŞ prezidenti İsrail barədə bircə kəlmə də kəsməyib və İranla nüvə sazişindən yan keçib.
