Azərbaycanda növbədənkənar parlament seçkiləri keçirilə bilər - Bu deputatlar yola salınacaq... - SİYAHI

13 fevral, 2021 14:43

Məlum olduğu kimi, 2020-ci il fevral ayının 9-da Azərbaycanda növbədənkənar parlament seçkiləri keçirildi və parlament yenidən təşkil olundu. Növbədənkənar parlament seçkilərinin üstündən düz bir il vaxt ötür. Bu müddət ərzində isə ölkəmizdə və regionda ciddi dəyişikliklər baş verib. Koronavirus pandemiyası bütün dünyanı cənginə aldı, nəticədə dünyada on minlərlə insan bu xəstəlikdən dünyansını dəyişdi, milyonlarla insan bu virusun daşıyıcısına çevrilib. Elə ölkəmizdə də yüzlərlə insan bu xəstlikdən dünyasını dəyişib.

Bunun ardınca 2020-ci il sentyabrın 27-də Azərbaycan əks-hücum əməliyyatlarına başlayaraq torpaqlarını işğaldan azad etdi. 44 günlük müharibə həm Azərbaycanda, həm də dünyada yeni reallıqlar yaratdı.

Həmçinin, bütün ölkələr iqtisadi təlatümlər içərisindədir. Yeni reallıqlar tələb edir ki, hər bir dövlət özünün iqtisadi modelini, idarəçilik prinsiplərini dəyişdirsin, yeni idarəçilik mexanizmləri formalaşdırsın.

Qısası, dövlətlər daha əvvəlki qaydalarla idarə oluna bilmirlər. Ona görə də, müxtəlif ölkələrdə hərəkətliliyin şahidi oluruq, sanki dünyanın xəritəsi dəyişir.

Etibarlı mənbədən Azsiyasət.com saytına daxil olan məlumata görə, regiondakı yeni reallıqlar və ölkəmizdəki fərqli situasiya yaranıb, idarəçilik prinsipləri yenilənib, ona görə də Azərbaycan növbədənkənar parlament seçkilərinin keçirilməsi labüddür. Mənbə bildirir ki, növbədənkənar seçki 2022-ci ilin aprel ayında baş tutacaq. Bildirilir ki, 2020-ci il seçkilərindən sonra parlamentin tərkibində dəyişikliklər olsa da, bu, keyfiyyəti artıra bilməyib. Həm müharibə, həm iqtisadi çətinliklər sübut edib ki, mövcud parlament atılan addımlarla ayaqlaşa bilmir. Daha çox "gizlənmək", "susqunluq", "biznes qurmaq ənənəsi" indiki deputatlarımızı köhnə parlement üzvləri kimi səciyyələndirən əsas “keyfiyyət”lərdəndir.

Qeyd olunur ki, keçiriləcək parlament seçkiləri zamanı təkcə yaşlı deputatlarla deyil, elə bir çox gənc deputatlarla da vidalaşmalı olacağıq.

Azsiyasət.com saytına daxil olan məlumatda göstərilir ki, bu şəxslər nöövbədəkənar parlament seçkilərində iştirak edə bilməyəcəklər, iştirak etsələr də, seçilə bilməyəcəklər:

1. Ziya Səmədzadə

2. Eldar İbrahimov

3. Səttar Möhbalıyev

4. Sabir Rüstəmxanlı

5. Səbinə Xasayeva

6. Fəzail Ağamalı

7. Siyavuş Novruzov

8. Ziyafət Əsgərov

9. Madər Musayev

10. Ülvi quliyev

11. Əliabbas Salahzadə

12. Razi Nurullayev