Rusiya sülhməramlıları erməniləri Xudavəng və Aşağı Veysəlliyə niyə apardı?
“Rusiya sülhməramlı kontingenti Dağlıq Qarabağ ərazisində tapşırıqları yerinə yetirməyə davam edir”.
Azsiyasət.com xəbər verir ki, bu barədə Rusiya Müdafiə Nazirliyinin (MN) Dağlıq Qarabağ münaqişəsi zonasında Rusiya sülhməramlı kontingentinin fəaliyyəti barədə məlumatında bildirilir.
“İyirmi yeddi müşahidə məntəqəsində Rusiya sülhməramlıları vəziyyəti gecə-gündüz izləyirlər. Atəşkəs bütün təmas xəttində müşahidə olunur” - açıqlamada deyilir.
Məlumata görə, Rusiya sülhməramlıları vətəndaşların təhlükəsiz hərəkətini və mülki infrastrukturun bərpasını təmin edir və əhaliyə humanitar yardım göstərir:
“Stepanakertdən (Xankəndi) Dadivəng (Xudavəng - Vəng) və Amaras (Yuxarı Veysəlli) monastırlarına erməni zəvvarların müşayiəti təmin edilib”.
Qeyd olunub ki, Humanitar Minalardan Təmizləmə Mərkəzinin minalardan təmizləmə qrupları Dağlıq Qarabağ ərazilərinin minalardan təmizlənməsi üzrə işlərini davam etdirirlər. Ümumilikdə, 23 noyabr 2020-ci ildən bəri 1835 hektar ərazi, 564 km yol, 1644 mənzil tikintisi partlamamış hərbi sursatlardan təmizlənib. 30 sosial əhəmiyyətli obyekt, 25 376 partlayıcı maddə aşkar edilərək zərərsizləşdirilib.
"Rusiya sülhməramlı kontingentinin məsuliyyət zonasında baş verə biləcək hadisələrin qarşısını almaq üçün səyləri koordinasiya etmək üçün Azərbaycan və Ermənistan silahlı qüvvələrinin baş qərargahları ilə davamlı qarşılıqlı əlaqə saxlanılır", - deyə Rusiya MN-dən bildirilib.
