"ABŞ-da demokratiya yoxdur, elita ölkəni məhv edir" - Nikolay Patruşev
Amerika Birləşmiş Ştatlarında (ABŞ) çoxdan demokratiya yoxdur, Amerika elitası isə öz dövlətçiliyinin məhvi ilə məşğuldur.
Bu barədə «Arqumentı i faktı» qəzetinə müsahibəsində Rusiya Federasiyasının (RF) Təhlükəsizlik Şurasının katibi Nikolay Patruşev Kollektiv Təhlükəsizlik Müqaviləsi Təşkilatı (KTMT) üzv ölkələrinin təhlükəsizlik şurası katiblərinin iclasının (Düşənbə) yekunlarına əsasən verdiyi müsahibədə bəyan edib.
«Demokratik ölkələr digər suveren dövlətlərin ünvanına şantaj və təhdidlərlə məşğul olmurlar, onların daxili işlərinə qarışmırlar - Patruşev izah edib - Onlar beynəlxalq hüququ pozmurlar, Birləşmiş Millətlər Təşkilatından kənar hərbi güc və iqtisadi sanksiya tətbiq etmirlər. Onlar insan haqlarına tüpürmürlər və öz ərazilərində, xaricdə söz azadlığını məhdudlaşdırmırlar. Rasizmin bütün təzahürlərindən daxili problemlərinin həllində istifadəyə cəhd göstərmirlər, ekstremistləri və terrorçuları geopolitik məqsədləri üçün öz tərəflərinə çəkmirlər. Transmilli korporasiyalara imkan vermirlər ki, hökumətlərin işinə qarışsınlar, ölkələrə və cəmiyyətlərə öz maraqlarını sırısınlar, üstəlik də sosial şəbəkələrdə və KİV-də legitim dövlət başçılarını bloklasınlar. Demokratik ölkələrdə hakimiyyətə gələn administrasiya öz sələflərinin qərarlarını yalnız ona görə sıfırlamırlar ki, onların arasında şəxsi antoqonizm yaşanıb. Özünüz deyin, bu gün ABŞ-ı demokratik adlandırmaq olarmı?»
O, həm də Vaşinqtonun, guya «Moskva Amerika demokratiyasının əsaslarını sarsıdır» bəyanatına da cavab verib: «Bizim üçün bunun əhəmiyyəti yoxdur. Onlar, Amerika elitaları özləri öz ölkələrinin dövlətçiliyini dağıdırlar».
Amerika hakimiyyətləri küçə hərəkətlərini öz məqsədləri üçün istifadə edərkən bu, baş verir, «ləyaqətli şüarlar altında mağazaları qarət edən marginallarla oynayırlar».
Patruşev qeyd edib ki, ABŞ-da iki düşərgəyə parçalanma Amerika elitasının radikallarla artıq öz ölkələrində oynamaq cəhdləri üzündən baş verib. «Öz evlərində radikallarla oynamaq qərarına gəldilər - nəticədə qonşu kvartalda küçə döyüşləri və düşmənçilik edən ikiyə bölünmüş ölkə əldə etdilər - o, qeyd edib - Vaşinqton onilliklər boyu bütün dünyaya yüksək mənəvi dəyərlər barədə car çəkib, işdə isə bu şüarlarla əlaqəsi olmayan siyasət yeridib. Öz xalqlarının dəstəyindən istifadə edən hökumətlər, suveren dövlətlər sadəcə, məhv edilib. Bəs, onların xarabalıqlarına kim gəlib? Radikallar, ekstremistlər, bir çox hallarda isə ödəniş müqabilində ABŞ hakimiyyətinə sədaqət andı içən quldurlar…»
Nümunə üçün o, İraqdakı, Liviyadakı, Suriyadakı situasiyanı misal gətirib.
«Ukraynada hakimiyyəti dəyişmək istədilər - orada neonasistlər baş qaldırdı - Patruşev əlavə edib - Amma belə şeylər okeanın o tayında baş verərkən, Amerikada bu, heç kimi narahat etmirdi. Ancaq indi oxşar hadisələr artıq Amerika torpağında baş verir».
