Ermənilər sərhədləri müəyyən edən xəritəni tapdılar və yerini də göstərdilər...
El arasında məşhur bir deyim var: “qırılmışın hamısı dəli”. Son günlər bu “dəli” söhbəti erməni siyasətçiləri və siyasi şərhçiləri arasında geniş yayılmış bir tendensiyadır. Hərbi ekspertlərdən biri Paşinyanın mövqeyindən imtina etmək üçün məhkəmə qərarı ilə onu “dəli, hərəkətlərinə məsuliyət daşımıyan biri” kimi tanımağı vacib bilir.
Ermənistanın sabiq baş naziri Hrant Baqratyan özünün “Facebook” səhifəsində yazır: “İndi qoy bu dəli (yəni Paşinyan) ayağa qalxsın və əvvəlki liderlərin günahkar olduğunu desin”. Gördüyünüz kimi “dəli” söhbəti artıq Ermənistanda trendə çevrilib.
Amma, keçmiş məmurlardan biri – Ermənistanın keçmiş ədliyə naziri Gevork Danielyan isə potensial dəli olduğunu bir açıqlamasında sübut edib.
Danielyan “Fasebook” səhifəsində yazıb ki, “sərhəddə delimitasiya və demarkasiya işlərini əvvəlki həqiqi xəritələrə əsaslanıb görmək lazımdır”. Və yaxın zamanlaradək Ermənistanın əsas hüquq idarəsinə-Ədliyə nazirliyinə başçılıq etmiş bu adam belə bir xəritənin yerini isnad verib. Sizcə bu xəritə harada olsa yaxşıdır? Vaxtilə ən yekə hüquqşünas olan bu adam deyir: “Belə bir xəritə bu saat Romadadır. Xəritə daş üzərinə həkk olunub. Biz o xəritəyə əsaslanmalıyıq”. Qırılmışın hamısı dəli - deməyib də nə deyəsən?
1947-ci ildə Gəncədə Nizami Gəncəvinin ilk məqbərəsini inşa edilən zaman arxitektorlardan biri olan Sarkisyanın əli ilə bir daşın üzərinə erməni dilində: “burada qusan ( aşıq mənasında) yatıb” sözlərini həkk etmişdilər və 1989-cu ildə yeni məqbərə tikilən zaman üzə çıxmışdı. Ermənilər daş üzərində saxta iş görməyə adət ediblər. Kəlbəcərdəki xaçkarları kimyəvi maddələrlə köhnəldib qədim daş kimi sırıdıqları kimi.
P.S. “ Mimino” filmindən sonra gürcü aktyoru və müğənnisi Vaxtanq Kikabidze erməni aktyor Frunzik Mkrtıçyana gecə saat 4-də zəng vurub belə bir zarafat edir: “Bilirsən erməni arxeoloqlar Dilicanda qazıntı işləri apararkən Ermənistan üçün vacib olan çox qiymətli bir tapıntıya rast gəliblər. Maraq erməni aktyoru götürür və tez soruşur:
- Nə tapıblar?
Kikabidze: “ Erməni komsomolunun 1000 yaşı var”.
