Koçaryanın hakimiyyətə gəlişi Azərbaycana nə vəd edir? - ŞƏRH
Ermənistan növbədənkənar parlament seçkisinə hazırlaşır. İyunun 20-si yaxınlaşdıqca, ölkədə siyasi vəziyyət bir qədər də gərginləşir. Parlement seçkilərində əsas güc olaraq hazırkı baş nazir Nikol Paşinyan tərəfdarları və eks-prezident Robert Koçaryanı dəstəkləyən qüvvələr göstərilir.
Son günlərin hadisələri Robert Koçaryanın xeyli gücləndiyini deməyə əsas verir. Bəs eks-prezidentin yenidən hakimiyyətə gəlişi Azərbaycan üçün nələr vəd edir?
Azsiyasət.com xəbər verir ki, Azərbaycanın keçmiş xarici işlər naziri Tofiq Zülfüqarov durumu qısaca olaraq modern.az-a dəyərləndirib:
“Robert Koçaryanın hakimiyyətə gəlişi yüksək bir ehtimal deyil. Ona görə də “nələr dəyişəcək” sualı da aktual deyil. Ermənistan hərbi cəhətdən məğlub olmuş ölkədi. İqtisadi böhran yaşayır, demoqrafiq böhran yaşayıq. İnsanlar Ermənistanı tərk edir, müharibədən sonra bu proses daha da sürətlənib. Real vəziyyətə baxılarsa və Koçaryan hakimiyyətə gələrsə, o da məcburiyyət qarşısında Paşinyanın addımlarını atacaq”.
