Lukaşenko vertolyotdan əlində avtomatla düşdü - VİDEO
Minskdə Müstəqillik sarayının ərazisində Belarus prezidenti Aleksandr Lukaşenkonun vertolyotu eniş edib. Dövlət başçısı nəqliyyat vasitəsindən bronjiletdə və əlində avtomatla çıxıb.
Azsiyasət.com xəbər verir ki, həmin anın videosunu Belarus liderinə yaxın kanallar yayımlayıb. Kadrlardan görünür ki, avtomatın darağı yoxdur. Minskdə çoxminlik etiraz aksiyaları davam edir, onların iştirakçıları avqustun 9-da keçirilən prezident seçkilərində səslərin yenidən hesablanmasını, həmçinin yeni səsvermənin keçirilməsini tələb edirlər.
Hansısa məqamda müxalifətçilər dövlət başçısının iqamətgahına yaxınlaşsa da, güc strukturları əməkdaşları və xüsusi texnikalar vasitəsilə onların qarşısı alınmışdı. Bundan sonra etirazçılar daha əvvəl toplaşdıqları əraziyə - "Minsk - qəhrəman şəhər" abidəsi tərəfə yollanmışdı.
“Siçovullar kimi qaçdılar”, - Lukaşenko mitinqçilər üçün deyib.
Həmin görüntüləri təqdim edirik:
