Rusiyada azərbaycanlıları öldürənlər niyə qəhrəman kimi təbliğ olunur... - İKİ VACİB NÜANS

2019-cu ilin iyul ayının 8-də Rusiyada “Rokko” barında düşən dava zamanı 27 yaşlı azərbaycanlı Fazil Balayev Anatoli Qrudistov tərəfindən qətlə yetirilmişdi. Anatoli F.Balayevin gözündən atəş açmışdı. Federal axtarışa veriləndən 9 gün sonra A.Qrudistov təslim olmuşdu və Rusiya prokurorluğu onu “ehtiyatsızlıqdan ölümə səbəb olma” maddəsi ilə təqsirli bilmişdi. Elə buna görə də müxtəlif “hüquqi” əsaslarla Qrudistov həmin vaxt sərbəst buraxılmışdı. Lakin azərbaycanlıların ciddi mübarizəsi nəticəsində Qrudistov yenidən həbs edildi və bu günlərdə istintaqı başa çatdı, ona 8 il həbs cəzası verildi.

Kütləvi dava zamanı 27 yaşlı gənci güllələyən dava iştirakçısına “ehtiyatsızlıqdan ölümə səbəb olma” maddəsi ilə iş açmaq əsl rəzalət idi. Bu maddə öldürülən azərbaycanlıların qanının batırılması üçün Rusiyanın biçdiyi “qanuni ölüm libası”dır. Şübhələr isə öz təsdiqini tapmaqdadır: Rusiyada azərbaycanlıları və digər qeyri-millətlərin nümayəndələrini öldürənlər məhz bu maddə ilə ittiham olunurlar. Deməli, azərbaycanlıları qətlə yetirən əslində Rusiya qanunlarıdır, ruslar bu qətllərin sadəcə icraçılarıdırlar. Qrudistov Rusiyada əsl “qəhrəman” kimi təbliğ olunurdu. Bu məsələdə Rusiya hüquq-mühafizə orqanlarına bağlı olan media qurumları, hüquq müdafiəçiləri xüsusi canfəşanlıq göstərirdilər, hətta qatilin əməlləri “Rusiya dövlətinə xidmət” kimi dəyərləndirilirdi. Ermənilər Qrudisovun azadlığa çıxması üçün bütün resurslarını səfərbər etmişdi .

Anatoli Qrudistov

Ssenari dəyişmədi, təxminən 2 il sonra Rusiyada polis 19 yaşlı azərbaycanlı Vəkil Abdullayevin başından atəş açaraq onu qətlə yetirdi. V.Abdullayevi qətlə yetirən polis işçisi Aleksandr Qusev əvvəl həbs edilsə də, sonradan azadlığa buraxıldı və hazırda da azadlıqdadır.

Hətta Rusiya Federasiyasının ictimai palatasının üzvü, “Yedinaya Rossiya” partiyasından Dövlət Dumasına deputatlığa namizəd Mariya Butinanı həmin polisin “xidmətə görə təltif olunmasını” təklif etdi. Bu gün Rusiya hüquq-mühafizə orqanlarına bağlı olan jurnalistlər, müxtəlif ictimai fəallar, siyasətçilər A.Qusevi müdafiə edərək, hadisəni “özünü müdafiə” kimi qiymətləndirirlər. Bu məsələdə ermənilər azərbyacanlı gəncin qanının batması üçün əllərində olan bütün resurslardan istifadə edərək Rusiya qanunlarını ayaqlar altına atırlar. “Russia Today” telekanalının erməni əsilli baş redaktoru Marqarita Simonyanın bu istiqamətdəki fəaliyyəti xüsusilə diqqətçəkəndir.

Birincisi, 19 yaşlı V.Abdullayev yol qəza hadisəsi törədildiyinə görə saxlanılmışdı, Rusiya polisinin silah çıxararaq onu gülləməsinə ehtiyac yox idi. Bu, polisin timsalında Rusiya dövlətinin azərbaycanlılara qarşı dözümsüzlüyünün nümayişidir. Dininə, irqinə, dərisinin rənginə görə insanların qətlə yetirilməsi və nəticədə qatillərin cəsasız qalması Rusiya qanunlarının sadəcə kağız parçası olmasının və azərbaycanlılara qarşı aqressiv münasibətinin göstəricisidir.

İkincisi, bu məsələdə rusiyalı nasistlərin, xüsusilə də, Mariya Putina kimilərinin 19 yaşlı gəncin ölümünə haqq qazandırması, qatil polisin müdafiə etməsi göstərir ki, belələrinin millət vəkili kimi Rusiyanın adından danışması əslində elə təmsil etdiyi dövlətin rasist mahiyyətini ortaya qoyur.

Üçüncüsü, ermənilərin qatil polisi müdafiə edərək digər azərbaycanlılarının da öldürülməsinin vacibliyi ilə bağlı çağırışlar etməsi Rusiya qanunlarının onların əlində sadəcə aliminium teli olduğunun göstəricisidir. Ermənilərin Rusiyanın hüquq-mühafizə orqanlarını pulla ələ alaraq azərbaycanlıların öldürülməsini ört-basdır etməsi artıq adi hala çevrilib. Bu barədə isə yüzlərlə faktlar var.

Vəkil Abdullayev

Gözləyək... İnanmaq istəyirik ki, Rusiya ermənilərin, rasistlərin, qisasçı qrupların ayaqları altından qaldırıb öz qanunlarının ləyaqətlə icra olunmasını təmin edəcək. Əks təqdirdə, azərbaycanlılara qarşı həyata keçirilən silsilə qətl hadisələri bir daha isbatlayacaq ki, soydaşlarımızın öldürülməsi və qatillərin cəzalandırılmaması elə Rusiya dövlətinin öz rasist siyasətinin tərkib hissəsidir.

Samir Feyruzov

Azsiyasət.com