Erməni mətbuatı Azərbaycanın nəzarətinə keçəcək ərazilər barədə məlumat yaydı - VİDEO
Ermənistanda böyük narahatçılıq yaşanır.
Ermənistan mətbuatı yaxın vaxtlarda Azərbaycana verilməsi gözlənilən ərazilər barədə məlumatlar yaymağa başlayıblar.
"Armenia Today"in əməkdaşları Azərbaycana verilməsi gözlənilən ərazilərdən reportaj hazırlayıb. Reportajda hazırda Ermənistanın Tavuş bölgəsinin tərkibində olan, ancaq Azərbaycanın Qazax rayonuna aid kəndlərdən danışılır. Həmin ərazilərdə yaşayan ermənilərin fikirlərinə yer verilir.
Eyni zamanda, vurğulanır ki, həmin ərazilər Azərbaycanın nəzarətinə keçəcəyi təqdirdə Azərbaycan və Ermənistan arasında nəqliyyat-kommunikasiya xətlərinin açılması Ermənistana heç bir fayda verməyəcək. Çünki Ermənistanı İran və Gürcüstan ilə birləşdirən bütün kommunikasiya xətləri Azərbaycanın nəzarətinə keçmiş olacaq.
Ermənistanda yaşanan xofu, gələcəyə yönəlik ümidsizliyi ifadə edən həmin reportajın videosunu diqqətinizə çatdırırıq.
