İrəvan təxribatlarla öhdəliklərindən yayınmağa çalışır - Ekspert

16 iyul, 2021 00:28

Vətən müharibəsindən sonra Ermənistan Azərbaycanın humanist siyasətindən nəticə çıxarmalı və təxribat addımları atmamalıdır.

Azsiyaset.com xəbər verir ki, bunu bakupost.az-a AMEA Qafqazşünaslıq İnstitutu Ermənişünaslıq şöbəsinin müdiri, tarix üzrə elmlər doktoru Qasım Hacıyev deyib.

Onun sözlərinə görə, əgər təxribatlarını törətməkdə davam edərsə və Azərbaycanın etdiyi xəbərdarlıqlardan nəticə çıxarmazsa, Ermənistan bunun cavabının sərt olacağını və böyük problemlə üzləşəcəyini bilməlidir.

Q.Hacıyev bildirib ki, Azərbaycanın humanist yanaşmasını düzgün dəyərləndirə bilməyən, cılız düşüncəli ermənilər 2020-ci il noyabırın 10-da imzalanmış üçtərəfli bəyanatın şərtlərinə əməl etməlidirlər: “Ermənistan ordusunun son nəfərinədək məhv olmasından qorxaraq kapitulyasiyaya imza atdı. Lakin indi müxtəlif təxribatlar törədərək götürdüyü öhdəliklərdən yayınmağa çalışır”.

Q.Hacıyev qeyd edib ki, Ermənistan yalnız Azərbaycana qarşı deyil, Gürcüstana və Türkiyəyə qarşı da əsassız ərazi iddiaları irəli sürüb və bu iddialarını gercəyə çevirmək üçün zaman-zaman dəhşətli terror hadisələri törədib. Terrorun Ermənistanın dövlət siyasətinin tərkib hissəsi olduğunu deyən tarixçi alim əlavə edir ki, terror yuvası olan Ermənistana xaricdən dəstək verən fondlar və maliyyə resursları böyük dövlətlərə məxsusdur.

Q.Hacıyevin sözlərinə görə, Ermənistan təkcə Azərbaycana qarşı deyil, regionda yerləşən digər dövlətlərə qarşı da müxtəlif şəkildə terror fəaliyyəti həyata keçirir: “Bəlkə heç bir ölkədə ermənilərdə olduğu qədər terror təşkilatı və terrorçu yoxdur. Dünyada ermənilərin törətdiyi terror hadisələri qədər dözülməz və dəhşətli vəhşiliklər görünməyib”.

Alim qeyd edib ki, ermənilərin Cənubi Qafqazda ilk terror təşkilatlarını yaratması özü də bu millətin terrordan necə qidalandığını göstərir.