Hakopyan niyə "hərbi təlim" keçir?

Ermənistanın baş naziri Nikol Paşinyanın həyat yoldaşı Anna Hakopyan cəbhənin Tovuz rayonu istiqamətindəki döyüşlər zamanı – 2020-ci il iyul ayının 13-də Azərbaycan qadınlarına müraciət etmişdi. Hətta “sülh naminə qadınlar” adlı kampaniya da məhz onun təşəbbüsü ilə yaradılmışdı. O, müraciətində iki xalq arasında sülhün mövcud olmasının, əsgərlərin həyatlarının təhülkəyə atılmamasının və hərbi əməliyyatların dayandırılmasının vacibliyindən danışırdı. Heç şübhəsiz ki, iyul döyüşləri zamanı “yazıq” görkəm alaraq, Azərbaycan qadınlarına müraciət edən Hakopyanın “sülh çağırışları”ndan əri Paşinyanın xəbəri var idi, o, özbaşına belə bir addım ata bilməzdi. Müharibə davam edəcəyi təqdirdə cəbhə xəttində sarsıdıcı zərbələr alan Ermənistan ordusunu hansı aqibətin gözlədiyi öncədən bəlli idi.

A.Hakopyan bu ilin avqust ayında müxtəlif ölkələrdə yaşayan rəfiqələrini, turstləri Qarabağa apararaq, “ermənilərin qədim tarixi, abidələri və mədəniyyət nümunələri” ilə tanış etdi. Erməni xisləti dəyişməzdir, A.Hakopyan da ermənilərin həyasız, gülünc “simvol”larından birinə çevrildi.

Dünən Azərbaycan qadınlarına “sülh çağırışları” edərək yalvarış dolu məktub yazan bu qadın (?) bu dəfə əlinə silah alıb 15 nəfər qadınla birlikdə “hərbi təlim” keçir. Bu barədə onun rəsmi saytında məlumatlar və fotolar yer alıb. Guya “hərbi təlim”də iştirak edib. Hakopyanın “hərbi təlim”dən paylaşdığı fotolardan açıq şəkildə görünür ki, bu, sadəcə reklam – PR üçün seçilmiş növbəti addımdır. Hakopyan bu addımı əri Paşinyanın, ölkənin təhlükəsizlik şurasının və Ermənistandakı “beyin mərkəzləri”nin məsləhəti ilə atıb. Burada əsas məqsəd erməni əsgər analarının artan narazılıqlarının qarşısını almaqdır. Çünki Ermənistan ordusunda müxtəlif səbəblərdən demək olar ki, hər gün bir əsgər ölür, yaxud öldürülür.

Diqqətçəkən məqam odur ki, Hakopyan “hərbi təlim” keçən keçərkən, eyni vaxtda Ermənistanda könüllülərdən ibarət qoşun yaradılması haqqında qanun müzakirəyə çıxarıldı. Hazırda bu qanun ictimai müzakirəyə verilib. Həqiqətən də Ermənistanda vəziyyət ağırdır, sosial narazılıq, xüsusilə də, orduya olan etimadsızlıq günbəgün artır. Orduya qarşı etimadsızlığın artdığı bir ərəfədə Hakopyanın saxta hərbi təlimlərə cəlb olunaraq erməni qadınlara mesaj verilməsi uğursuz taktikadır.

Hakopyanın srəsmi saytında bir həftə davam etdiyi deyilən “hərbi təlim”lər zamanı onun hər gecə kazarmada yatdığı, müxətlif silahlardan istifadə etməyi öyrəndiyi yazılır.

Amma erməni sosial şəbəkə istufadəçiləri Hakopyanın Qarabağda “hərbi təlim” adı altında istirahətə getdiyini, sadəcə hərbi forma geyinib şəkillər çəkdirdiyini, ucuz reklam oyunları qurduğunu və bununla da, xalqa və erməni əsgər analarına növbəti dəfə hörmətsizlik etdiyini bildiriblər.

Azsiyasət.com