Kollektiv Təhlükəsizlik Müqaviləsi Təşkilatı Tacikistanda kömək edəcək?
23 avqust, 2021 22:28
Əfqanıstanda vəziyyət pisləşməyə davam edərsə, Tacikistan Kollektiv Təhlükəsizlik Müqaviləsi Təşkilatına (KTMT) üzv dövlətlərdən lazımi yardım alacaq.
Bu barədə təşkilatın baş katibi Stanislav Zas Rusiya KİV-lərinə müsahibəsində deyib.
Onun sözlərinə görə, hazırda Əfqanıstan-Tacikistan sərhədi təhlükəsiz şəkildə qorunur, lakin vəziyyət pisləşərsə, blok bununla bağlı əlavə mexanizmlərdən istifadə edəcək. "Bizim vəzifəmiz - hərbi qarşıdurmalara cəlb olunmamağımız üçün əlimizdən gələni etməkdir”,- Stanislav Zas deyib.
Baş katib vurğulayıb ki, KTMT artıq Tacikistana texnika və silah vermək üçün dövlətlərarası yardım proqramı hazırlayır. Yaxın günlərdə bu yardım artıq respublikaya çatacaq.
