Əfqanıstandakı mübarizənin sirri... - Dava nəyin uğrunda gedir?

“Niyə Əfqanıstan üstündə dünya-bir-birini qırır, mübarizə aparır? Sən demə dünyada istifadə edilən narkotik maddənin 85 fazi Əfqanıstanda istehsal olunur. Təsəvvür edirsinizmi? Az bir hissəsi də Boliviya da və digər ölkələrdə.. Dünya dövlətlərinin sərhədlərində quş belə keçə bilmir. Narkotik tacirlərinin də qanadı yoxdur ki, uçub sərhədi keçsinlər. Sözsüz ki, onlar da sərhəddən və postlardan keçirlər. Görünür, burada maraqlar var və böyük bir şəbəkə işləyir”.

"Azsiyaset" xəbər verir ki, bu fikirləri teleqraf.com-a kinorejissor Şeyx Əbdül Mahmudbəyov deyib.

Əbdül Mahmudbəyov qeyd edib ki, Əfqanıstan uğrunda savaş birmənalı şəkildə narkotik uğrundadır.

Onun fikrincə, bunun başqa tərəfi yoxdur:

“Əlbəttə, mənzərə əslində siyasət görüntüsüdür. Amma hər bir siyasətin arxasında da maraqlar dayanır. Bu gün Əfqanıstanda biri Talibanı hakimiyyətə gətirir, digəri İŞİD-i gətirmək istəyir, başqa qüvvələr ümumiyyətlə orada sabitliyin olmasında maraqlı deyil. Bunlar təsadüfidirmi? Məncə, yox!”.

Kinorejissor bildirib ki, bu gün hər bir dövlətin əsas marağı daxili stabilliyi qorumaq və təmin etməkdir:

"Çünki stabillik yaranmadan inkişaf olmur. Amma stabilliyin də bir nömrəli düşməni narkomaniya, narkomaniyanın da bir nömrəli hədəfi gənclərin ona aludə olmasıdır. Kimlərinsə milyonları xatirinə gənclər məhv olur”.

Əbdül Mahmudbəyov vurğulayıb ki, narkomaniya əslində xəstəlikdir:

“Təsəvvür edin ki, bir məhəllədə üç professor olur, lakin oradan bir elmlər namizədi çıxmır. Amma bir məhəllədə cəmi bir narkoman olanda oradan onlarla narkoman çıxa bilər. Dünyanın hər yerində pis şeyə maraq çox olur. Bu, böyük bəla, xəstəlikdir. Elə adamların balalarını tovlayıb tələyə salırlar ki...”.