"Ermənistan mina xəritələrini Azərbaycana verməlidir" - Britaniyalı deputat
27 sentyabr, 2021 20:18
"Ermənistan mina xəritələrini Azərbaycana təqdim etməlidir".
Bunu Böyük Britaniyanın Avropa Şurası Parlament Assambleyasındakı nümayəndə heyətinin üzvü, deputat Con Houell bu gün qurumun işə başlayan payız sessiyasında "Ermənistan və Azərbaycan arasındakı münaqişənin humanitar nəticələri" adlı qətnamə layihəsinin müzakirəsi zamanı bildirib.
"İnsan ölümünün qarşısını almaq üçün bölgənin minalardan təmizlənməsi vacibdir. Ermənistan mina xəritələrini Azərbaycana təqdim etməlidir. Bütün beynəlxalq ictimaiyyət bu məsələdə Azərbaycana yardımçı olmalıdır. Hər iki xalq, Azərbaycan və erməni xalqı sülhə doğru irəliləməlidir".
