Çin Rusiyaya dəstək olacaq? - Pentaqon açıqladı
30 yanvar, 2022 15:26
ABŞ Çinin Ukraynadakı vəziyyətə qarışacağına dair heç bir əsas görmür.
Bunu Pentaqonun sözçüsü Con Kirbi Ukraynadakı vəziyyətdə Çinin Rusiyaya dəstək verməsi ehtimalını dəyərləndirərkən deyib.
“Bu barədə Çin liderləri özləri danışsınlar. Ancaq biz Çinin buna hər hansı şəkildə müdaxilə edəcəyinə dair heç bir əlamət görmürük” - Kirbi bildirib.
Onun sözlərinə görə, Ukraynada Moskva tərəfindən eskalasiyanın baş verəcəyi təqdirdə Rusiya nəinki ciddi iqtisadi nəticələrlə üzləşəcək, həm də onun təcrid olunması artacaq.
