“Azsiyasət.com”-un verdiyi məlumat təsdiqini tapdı - Eldar Quliyev namizəd oldu
Azsiyasət.com analitik-informasiya saytı 31 avqust tarixində “Ağsaqqalar Şurasının sədri kim olacaq?” başlıqlı məqalə dərc etmişdi.
Məqalədə Azərbaycan Ağsaqqalar Şurası sədri postuna iki şəxsin iddialı olduğu barədə məlumat verilmişdi. Həmin şəxslərdən biri kimi deputat, Azərbaycan Kooperasiya Universitetinin rektoru Eldar Quliyevin adı qeyd olunurdu. Eyni zamanda, məqalədə bildirilirdi ki, Azərbaycan Ağsaqqalar Şurası tezliklə qurultay çağıracaq.
Saytımızın dərc etdiyi məlumat öz təsdiqini tapdı. Belə ki, sentyabrın 28-də Azərbaycan Ağsaqqalar Şurasının onlayn formada qurultayı keçiriləcək. Ağsaqqallar Şurasının sədri vəzifəsinə isə Eldar Quliyevin namizədliyi irəli sürülüb.
Xatırladaq ki, E.Quliyev 1951-ci il iyul 26-da Bakı şəhərində anadan olub. O, Milli Məclisin deputatı, Azərbaycan Koopersiya Universitetinin rektoru, Azərbaycan Mərkəzi Kooperativlər İttifaqı İdarə Heyətinin sədridir.
Qeyd edək ki, Ağsaqqallar Şurasının mərhum sədri Fəttah Heydərov avqustun 4-də uzun sürən xəstəlikdən sonra 82 yaşında vəfat edib.
