Rusiya Ukraynaya nə qədər "Vaqnerçi" yerləşdirib? - Britaniya kəşfiyyatı
Rusiya “Vaqner” özəl hərbi təşkilatın muzdlularını Ukraynanın şərqinə yerləşdirib.
Xarici KİV-lər xəbər verir ki, bu barədə Britaniyanın Müdafiə Nazirliyi kəşfiyyat məlumatlarına istinadən bildirib.
Britaniya kəşfiyyatının məlumatına görə, Rusiyanın döyüşlərə “Vaqner”in yüksək rütbəli rəhbərləri də daxil olmaqla 1000-dən çox muzdlu əsgərini cəlb edəcəyi gözlənilir.
"Ağır itkilər və xeyli ləngimiş işğala görə Rusiya çox güman ki, Afrika və Suriyadakı əməliyyatlardan çıxaracağı “Vaqner” muzdlularını Ukraynaya yönləndirmək məcburiyyətində qalıb”, - məlumatda deyilir.
Ukrayna rəsmiləri qeyd edirlər ki, “Vaqner” muzdlularının əsas məqsədi prezident Vladimir Zelenskiyə və baş nazir Denis Şmıxala sui-qəsd həyata keçirməkdir.
"Onlar Ukrayna rəhbərliyini - bizim prezidentimizi və baş nazirimizi öldürmək istəyirdilər. Məqsəd bu idi, onlardan bəziləri uğursuz şəkildə Ukraynaya göndərildi", - deyə Müdafiə Nazirliyinin rəsmisi Lubkivski bildirib.
O əlavə edib ki, bütün sübutlar Beynəlxalq Ədalət Məhkəməsinə təqdim edilib. Ukrayna kəşfiyyatı yaraqlıları ölkədə və xaricdə izləyib, onlardan bir neçəsi məhv edilib.
