Amerika Müharibə Tədqiqatları İnstitutu Ukrayna partizanlarının aktivliyini qeydə aldı

Aprelin 14-dən 15-nə keçən gecə Amerika Müharibə Tədqiqatları İnstitutu ("ISW") Ukraynada hərbi əməliyyatların yeni xəritəsini dərc edib.

Rusiya qoşunları Rubejnoye, Popasnaya və Maryinkaya uğursuz hücumlarını davam etdirsələr də, aprelin 14-də heç bir ərazi irəliləyişi əldə etməyiblər.

Azsiyaset.com moderator.az-a istinadla xəbər verir ki, müharibə Tədqiqatları İnstitutunun "Facebook"dakı məlumatında ​​belə deyilir.

"Yerli sosial şəbəkələrdəki yazılar Ukrayna rəsmilərinin Ukrayna xüsusi təyinatlılarının aprelin 13-də Rusiya hərbi karvanının İzyum yaxınlığındakı körpünün üzərindən keçərkən onu dağıtması ilə bağlı iddialarını təsdiqləyib" -deyə məlumatda bildirilir.

Həmçinin bildirilir ki, ukraynalı partizanlar, ehtimal ki, ən azı martın ortalarından Melitopol rayonunda fəaliyyət göstərirlər.

""ISW" əvvəllər qiymətləndirmişdi ki, Ukrayna partizanlarının artan fəallığı Rusiya qüvvələrini bölgədə sıxışdıra bilər, lakin bundan əvvəl biz ukraynalı partizanların konkret hərəkətləri barədə heç bir məlumat görməmişik", - hesabatda belə deyilir.

Bundan əlavə, bildirilir ki, Rusiya qüvvələrinin Ukraynanın şərqində daha da irəliləmək üçün Belarusdan Rusiyaya yerləşdirilməsi davam edib.