Britaniya kəşfiyyatından Ukrayna ilə bağlı yeni açıqlama...
20 aprel, 2022 00:21
“Donbas nəzarət xətti üzrə Rusiyanın top atəşi və zərbələri artmaqda davam edir”.
Bu barədə Britaniya Müdafiə Nazirliyinin kəşfiyyat xidməti məlumat yayıb.
Məlumatda deyilir ki, ukraynalılar Rusiya qüvvələrinin bir neçə hücum cəhdini dəf edib.
"Əvvəllər də olduğu kimi ətraf-mühit, logistika və texniki problemlər Rusiyanın tərəqqi imkanlarına təsir etməyə davam edir. Yüksək motivasiyalı Ukrayna Silahlı Qüvvələrinin qətiyyəti də Rusiyanın irəliləməsini çətinləşdirir. Rusiyanın Mariupolda müqaviməti aradan qaldıra bilməməsi və yerli mülki əhaliyə də zərər vuran qeyri-bərabər hücumları onun məqsədlərinə istədiyi qədər tez çata bilməməsinin davam etdiyinin göstəricisidir”, - deyə məlumatda bildirilir.
