Britaniya səfirliyinin "LQBT" bayrağı qaldırmasına rəsmi etiraz edildi və ...
İndoneziya Xarici İşlər Nazirliyi Böyük Britaniyanın Cakartadakı səfirliyinin "LGBT" bayrağı qaldırdığını bildirib.
Bu haqda "CNN Indonesia" məlumat yayıb.
İndoneziya Xarici İşlər Nazirliyinin sözçüsü Teuku Fayizaşah "Bu hərəkət çox qeyri-həssasdır və İndoneziya cəmiyyətində mübahisələrə səbəb olur" -deyə bəyan edib.
Xarici İşlər Nazirliyi xarici ölkə nümayəndələrinə İndoneziyada hökm sürən mədəni dəyərlərin, dinin və inancların qorunub saxlanılması və onlara hörmət edilməsinin vacibliyini xatırladıb.
“Bəzən dostlar arasındakı fikir ayrılıqları narahatlıq yaratsa belə, doğru hesab etmədiyimiz şeylərə qarşı çıxış etmək vacibdir..."
"Doğrudur, hamı kimi cinsi azlıqların da vətəndaş hüquqlarını tapdamaq olmaz, amma onların özlərinin və əxlaqlarının, anti-bəşəri dəyərlərinin cəmiyyətlərdə, müsəlman və türk ölkələriylə yanaşı, ümumiyyətlə, bütün dünyada da dominantlığının, hökmranlığının yaradılmasına qətiyyən yol vermək olmaz..."
Böyük Britaniya "LGBT" hüquqlarını müdafiə edəcək və onları müdafiə edənləri dəstəkləyəcək. Biz hər cür ayrı-seçkiliyin olmadığı bir dünyada yaşamaq istəyirik”, - Britaniya səfirliyinin bəyanatında belə deyilir.
Xatırladaq ki, son dövrlərdə hər il olduğu kimi, bu ildə mayın 17-də - beynəlxalq homofobiya, transfobiya və bifobiyaya qarşı mübarizə günü münasibəti ilə ABŞ və Böyük Britaniyanın Azərbaycandakı səfirlikləri öz ölkələrinin bayrağı ilə yanaşı, "LGBT" bayrağı da qaldırıb.
