ABŞ Dövlət Departamenti Türkiyədəki seçkilər barədə: “Tərəf tutmuruq…” “Tərəf tutmuruq…”

“Türkiyədə növbəti bazaar günü – mayın 14-də keçiriləcək seçkilərin nəticələri Türkiyə və Amerika münasibətlərinə təsir etməyəcək”.
"Azsiyaset.com"  xəbər verir ki, bunu ABŞ Dövlət Departamentinin mətbuat katibinin müavini Vedant Patel ənənəvi brifinqdə jurnalistin sualına cavab olaraq bildirib.
“Biz türk xalqının seçdiyi hökumətlə birlikdə işləməyə davam edəcəyik və bu əlaqələri dərinləşdirməyə, bir sıra əməkdaşlıq sahələri və ümumi prioritetlər üzərində işləməyə davam edəcəyik. Türkiyə təbii ki, mühüm NATO müttəfiqidir və ABŞ üçün vacib olan bir sıra məsələlərdə ayrılmaz rol oynamışdır. Mən sadəcə olaraq Türkiyənin Qara Dəniz Taxıl Təşəbbüsünün toplanmasında və reallığa çevrilməsində oynadığı liderlik və çağırış rolunu qeyd edəcəyəm.
Lakin geniş mənada, ABŞ seçkilərdə tərəf tutmur. Bizim yeganə ümidimiz demokratik prosesə əsaslanan azad və ədalətli seçki görməkdir”, - deyə V. Patel bildirib.
Qeyd edək ki, mayın 14-də Türkiyədə prezident və parlament seçkiləri keçiriləcək.
Türkiyənin 81 əyalətində 195 min seçki məntəqəsi fəaliyyət göstərəcək. Bu siyasi kampaniyada 64 milyondan çox seçici səs verəcək.
Prezidentliyə namizədlər Cümhuriyyət Xalq Partiyasının sədri Kamal Kılıcdaroğlu, müxalif Məmləkət Partiyasının lideri Məhərrəm İncə, hakim Ədalət və İnkişaf Partiyasının sədri, hazırki Prezident Rəcəb Tayyib Ərdoğan və “Ata İttifaqı”nın namizədi Sinan Oğandır.