“Putin çox ağıllıdır” - Tramp
11 may, 2023 09:44
ABŞ-ın keçmiş prezidenti Donald Tramp Ukraynadakı münaqişəyə son qoymaq üçün Rusiya prezidenti Vladimir Putin və Ukrayna lideri Vladimir Zelenski ilə görüşəcəyini açıqlayıb.
"Azsiyaset.com" xəbər verir ki, Trampın fikrincə, o, prezident olarsa, münaqişəni 24 saat ərzində həll edəcək.
"Putinlə görüşəcəyəm, Zelenski ilə görüşəcəyəm. Onların hər birinin öz zəif və güclü tərəfləri var və 24 saat ərzində həll olunacaq, bitəcək”, - deyə eks-prezident bildirib.
O, Putinin çox ağıllı olduğunu qeyd edib: “Putin çox ağıllıdır, amma mənim fikrimcə, ciddi səhv etdi. Onun səhvi işğala başlamaqdır. Mən prezident olsaydım, bunu etməzdim”.
