"Biz Ukraynada lənğ hərəkət edirik, çünki rusiyalılar müharibə aparmır..." - Peskov
"Rusiya həddən artıq güclü dövlətdir və Qərbin təzyiqi altında mövqelərindən geriyə çəkilən deyil"
"Ukraynanın hərb maşınının əməlli-başlı əzilməsi, Rusiyanın Donbas, Zaporojye və Xersonla birləşməsi xüsusi hərbi əməliyyatın bir illik nəticəsidir..."
Nədən Peskov 23 ildir ki, Putinin xidmətindədir?..
Kremlin mətbuat katibi Dmitri Peskov bəyan edib ki, Şimali Atlantika alyansı Rusiya-Ukrayna müharibəsinin tam mənasında iştirakçısıdır.
Azsiyaset.com xəbər verir ki, bu barədə o, Serbiya Respublikasının ATV telekanalına müsahibəsində bəyan edib.
"Hazırda NATO de-fakto bu münaqişədə Ukrayna tərəfində iştirak edir. Siz böyük həcmdə silah, döyüş sursatları, döyüş texnikası, maliyyə vəsaitləri haqqında məlumatlısınız.
Həm də söhbət hər dəfə bu silahın taktiki - texniki xüsusiyyətlərinin səviyyəsinin yüksəldilməsindən gedir. Əvvəlcə bir raket, sonra daha güclüsü, daha uzaq mənzilli raket verilir", - Peskov deyib.
O, növbəti dəfə Kremlin belə çeynənmiş narrativini təkrar edib ki, Rusiya "xüsusi əməliyyat"ı ona görə başlayıb ki, Ukraynanın NATO-ya üzv olmaq niyyəti, onun planlı şəkildə öz ərazisini anti- Rusiyaya çevirdiyi fonunda Rusiya "Donbasda insanların maraqlarını müdafiə etmək və özünün təhlükəsizliyini təmin etməli olub".
