Rusların böyük səhvi: Zalujnı açıqladı
Zmeynı (İlan) adası Ukrayna sərhədlərinin qorunmasında strateji əhəmiyyət kəsb etmirdi, ona görə ruslar oraya raketlər yerləşdirməklə böyük səhv etdilər.
Azsiyaset.com xəbər verir ki, bu sözləri Ukrayna Silahlı Qüvvələrinin baş komandanı Valeri Zalujnı deyib.
O, həmçinin rusların adada yerləşdirdiyi raketdən müdafiə sistemlərinin Ukrayna raketlərinin işini xeyli əngəllədiyini bildirib:
“Onlar düşünürdülər ki, adada hərbi qarnizon yaradacaq və orada mövcudluğunu saxlayacaq. Nə qədər mövcud olduğu da məlum oldu. Düşmənin orada olmaması bizim əsas vəzifəmiz idi”.
Xatırladaq ki, İlan adası 22 fevral 2022-ci ildə Rusiya SQ-nin hücumları nəticəsində işğal edilmişdi. Ukrayna tərəfinin ardıcıl zərbələrindən sonra isə Rusiya ordusu 30 iyunda adanı tərk edilmişdi.
