Yaponiya Şimali Koreya raketinin vurulmasına göstəriş verdi - “Təhlükə olarsa, məhv ediləcək”
Yaponiya Müdafiə Nazirliyinin rəhbəri Yasukadzu Hamada ölkənin özünümüdafiə qüvvələrinə Şimali Koreya tərəfindən buraxılan raketin vurulması ilə bağlı göstəriş verib.
Azsiyaset.com bildirir ki, nazir raket Yaponiyaya təhlükə törədəcəyi təqdirdə onun vurulmasını əmr edib.
Bu barədə Yaponiya Müdafiə Nazirliyinin mətbuat xidmətindən məlumat verilib.
Ölkənin müdafiə naziri bildirib ki, Şimali Koreya nümayəndələri yaxın günlərdə “peyk” buraxılışı adı altında ballistik raket buraxmağı planlaşdırırlar.
“Raketin Yaponiya ərazisinə düşməsi təhlükəsi olarsa, o, məhv ediləcək”, - deyə Hamada əlavə edib.
Xatırladaq ki, daha əvvəl Şimali Koreya peykin buraxılması ilə bağlı Beynəlxalq Dəniz Təşkilatına müraciət edib. Peykin cari ilin 31 may-11 iyun tarixlərində buraxılması nəzərdə tutulur.
