Ağ evin hind mənşəli qaradərili ilk qadın vitse-prezidenti - Kamala Harris

Amerikada keçirilən prezident seçkiləri Demokratlar Partiyasından 78 yaşlı namizəd Cosef  Baydenin qələbəsilə yekunlaşdı.

Azsiyasət.com xəbər verir ki, hazırda demokratlar Baydenin qələbəsini qeyd etməyə başlayıblar.

Cosef  Baydenin qələbəsini qeyd edənlərdən biri də Kamala Harrisdir. O Harris ki, bu qələbədən sonra ABŞ-ın qaradərili, afroamerikan və Asiya kökənli ilk qadın vitse-prezidenti olacaq.

Yamayka və hindistanlı mühacirlərin  (anası Hindistan, atası Yamayka əsillidir) qızı olan Kamala Harris 2017-ci ildə Senata seçiləndə ilk hind mənşəli qadın senator, Senata seçilən ikinci qaradərili qadın olmuşdu. O, ermənilərin sıx yaşadığı Kaliforniya ştatının baş prokuroru idi.
Seçkinin nəticələri rəsmən təsdiqlənməsə də, 56 yaşlı Harris artlq Twitter-dəki hesabına korrektə edib: "Seçilmiş vitse-prezident".

46-cı prezident Baydenin 78 yaşı olduğunu nəzərə alsaq, Ağ evdə qəfil sürprizlər ola bilər.

Əgər Bayden qarşıdakı 4 il ərzində xəstələnsə, fəaliyyət göstərə bilməsə, o zaman 47-ci prezident üç ilkə imza atacaq - yəni Kamala Harris ABŞ-ın ilk qadın, ilk qaradərili xanım və ilk hind mənşəli prezidenti ola bilər!

Dünyanın işlərini bilmək olmaz, Amerikanın işlərini isə heç bilmək olmaz.