Kim Çen İn karantini pozanı edam etdirdi
07 dekabr, 2020 11:14
Şimali Koreyada vətəndaş koronavirus (COVID-19) tədbirlərini pozduğu üçün edam edilib.
Azsiyasət.com xəbər verir ki, bu barədə Asiya KİV orqanları məlumat yayıb. Bildirilib ki, 50 yaşlı sözügedən şəxs Çin sərhədindən qeyri-qanuni yolla Koreya ərazisindən keçib.
Bildirilir ki, Şimali Koreya rəsmi olaraq ölkədə koronavirus olmadığını iddia etsə də, Kim Çen In rejimi fövqəladə karantin tədbirləri tətbiq edib, Çin sərhədini keçən hər kəsin güllələnməsi barədə əmr verib.
Cənubi Koreya kəşfiyyat təşkilatı NIS ötən həftə Kimin Pxenyanda karantin əmri verdiyi və virusun qarşısını almaq üçün dənizdə balıq ovlamağı qadağan etdiyinə dair məlumat yayıb.
