Hindistan ordu ehtiyatlarını artırır - Çinlə mümkün münaqişə üçün

Hindistan hökuməti 15 günlük döyüş fəaliyyəti üçün lazım olan silah və sursat ehtiyatını artırmaq üçün silahlı qüvvələrə icazə verib. 

Bu barədə qeyri-rəsmi mənbələrə istinadla, "Times of India" qəzeti xəbər verib.

"Şərqi Ladakxda Çinlə hərbi qarşıdurma şəraitində Hindistan ordusuna silah və sursat ehtiyatlarını 15-1 səviyyəsinə qədər artırmaq icazəsi verilib. Bu səviyyə 15 gün ərzində iki cəbhədə - Çinə və Pakistana qarşı intensiv döyüş əməliyyatları aparmağı nəzərdə tutur. Silahlar xarici və Hindistan istehsalçılardan satın alınacaq" - mənbələr bəyan ediblər.

Bundan əvvəl Hindistan silahlı qüvvələri 40 günlük döyüş fəaliyyəti üçün silah və sursat ehtiyatlarına malik olmalı idi, ancaq yeni hərbi taktika və silahların saxlanma çətinliyi ilə əlaqədar olaraq, bu səviyyə 10 günə endirilib.

Ordudakı mənbələrin məlumatına görə, Hindistan artıq böyük miqdarda raket və tank üçün mərmilər alıb. Silahların alınmasına 500 milyard rupi (67,8 milyon dollar) vəsait ayrılıb.

Hazırda Ladakxda 50 min Hindistan hərbçisi və təxminən o qədər də Çin hərbçisi yerləşib.