"Dünya ABŞ-a gülür, Leninlə Stalin isə gülümsəyir" - Trampın oğlu
10 yanvar, 2021 00:37
ABŞ-ın hazırkı Prezidentinin oğlu - kiçik Donald Tramp ölkədəki söz azadlığının atasının tvitter hesabının həmişəlik bloklanmasından sonra öldüyü deyib.
Azsiyasət.com xəbər verir ki, bu barədə o, tvitterdə yazıb.
“Dünya ABŞ-a gülür, Mao (Tszedun), (Vladimir) Lenin və (İosif) Stalin isə gülümsəyirlər. Texnoloji nəhənglər Prezidenti senzuraya məruz qoya bilərmi? Söz azadlığı ölüdür və güclü solçular tərəfindən idarə olunur”, - kiçik Donald Trampın paylaşımında deyilir.
Prezidentin oğlu sosial şəbəkə administrasiyasının tezliklə onun da hesabını bloklayacaqlarını istisna etməyib.
