“İsrail və BƏƏ arasında razılıq ABŞ-a silah satışından daha çox pul qazandıracaq” - ABŞ senatoru
Birləşəmiş Ərəb Əmirlikləri və İsrail arasında saziş ABŞ-ın daha çox silah satmasına gətirib çıxaracaq. Bu fikri ABŞ senatoru Tom Kottona məxsusdur.
CNBC kanalına müsahibə verən Tom Kotton BƏƏ-nin ABŞ üçün mühüm strateji tərəfdaş olduğunu qeyd edib. Onun sözlərinə görə, rəsmi Əbu-Dabi Birləşmiş Ştatların hərbi sənayesini ciddi şkildə bəsləyən dövlətlərdən biri sayılır və bundan sonra həmin əlaqələr daha da güclənəcək.
Qeyd etmək lazımdır ki, Tom Kotton özü ABŞ Senatının silahlı qüvvələr üzrə komitəsinin üzvü sayılır.
“Düşünürəm ki, digər ərəb dövlətləri də eyni yolla gedəcəklər, bu isə müttəfiqlərimizin İran kimi düşməndən qorunmaq üçün yeni silahlara ehtiyacını artıracaq”,-deyə o söyləyib.
ABŞ Dövlət Departamentinin məlumatlarına görə, dünya hər il silaha 3 trilyon dollar pul xərcləyir. Onun böyük hissəsi ABŞ-ın payına düşür.
2015-2017-ci illərdə ABŞ-ın silah ixracatının 17%-i Yaxın Şərqə, 12%-i Avropa Birliyinə, 27%-i isə Şərqi Asiyaya gedib.
Səudiyyə Ərəbistanı ABŞ silahının ən böyük alıcısı sayılır. Stokholm beynəlxalq sülh problemi araşdırmaları üzrə institutunun hesabatına əsasən 2015-2019-cu illərdə rəsmi ƏR-Riyadın aldığı silahın 73%-i ABŞ-ın payına düşüb.(musavat.com)
