"Rusiya Tacikistandakı hərbi bazasından istifadəyə hazırdır" - LAVROV

Rusiya öz müttəfiqlərini Əfqanıstandakı təhlükədən müdafiə etmək üçün hər şeyi edəcək, o cümlədən Tacikistandakı hərbi bazasından da istifadə edəcək.

Bu barədə, «TASS» agentliyinin xəbər verdiyi kimi, Rusiyanın xarici işlər naziri Sergey Lavrov laoslu həmkarı Salyomsaye Kommasito ilə danışıqlardan sonra bəyan edib.

«Biz, hər şeyi edəcəyik, o cümlədən Rusiyanın Tacikistandakı hərbi bazasının imkanlarından istifadə edəcəyik ki, müttəfiqlərimizə qarşı hər-hansı aqressiv sızmalara yol verilməsin» - nazir qeyd edib.

Onun sözlərinə görə, Rusiya hakimiyyəti Əfqanstanda baş verənləri diqqətlə izləyir. Lavrovun fikrincə, orada vəziyyət sürətlə pisləşmə tendensiyasına malikdir, o cümlədən tədricən Amerika və digər orduların oradan çıxarılması kontekstində.

Amerika hərbçiləri 90 faiz Əfqanıstandan gediblər və özlərindən sonra yüzlərlə vahid nəqliyyat, silahların bir hissəsini, böyük miqdarda sursat qoyublar.

Bundan əvvəl Rusiya Prezidenti Vladimir Putinin mətbuat katibi Dmitri Peskov bəyan edib ki, Moskva Əfqanıstan rəhbərliyi ilə bu ölkəyə hərbi kontingentin yeridilməsini müzakirə etmir.

Son həftələr taliblər Əfqanıstanın şimalında hərbi fəaliyyəti əhəmiyyətli dərəcədə fəallaşdırıblar. Dəqiqləşdirilir ki, Əfqanıstanın hökumət qüvvələrinin bir qrupu taliblərin təzyiqi altında Tacikistan ərazisinə keçməyə məcbur olub.

Azpolitika.info