Ukraynanın baş arteriyası məhv olur - Dnepr quruyur
Ukraynanın Milli ekoloji mərkəzinin başçısı Ruslan Qavrilyuk növbəti dəfə Dneprin xilas edilməsi çağırışı ilə ictimaiyyətə müraciət edib. Onun sözlərinə görə, çay sürətlə quruyur, onun su ilə tam dolmasını alimlər son dəfə 8 il bundan əvvəl qeydə alblar.
Müşahidə tarixinin ən pis dövrü 2020-ci ilə təsadüf edir. «İndiki şəraitdə iqlim dəyişikliyi zamanı biz, təbii yağıntıların miqdarında əhəmiyyətli dəyişiklikləri müşahidə edirik, onlar çaya su axınının başlıca mənbəyi sayılır. Dneprə su axını kəskin azalır, bu, yağıntı rejiminin dəyişməsində görünür. Əgər əvvəllər biz, qışda çaya tam su axını verən qar örtüyü görürdüksə, indi bu örtük yoxdur» - mütəxəssis «Liqa.net» nəşrinə danışıb.
İyunun sonunda Ukrayna Hesablama Palatası «Su təsərrüfatının inkişafı və Dnepr çayı hövzəsinin ekoloji sağlamlaşdırılması proqramının yerinə yetirilməsinin effektliliyi» üzrə auditin nəticələrini dərc edib. Sənədə görə, su arteriyasının ekoloji vəziyyəti «faktiki katostrofik» kimi qiymətləndirilir. Yoxlama nəticəsində müəyyən olunub ki, suyun keyfiyyət göstəriciləri pisləşir. Onun tərkibində 161 adda çirkləndirici tapılıb, o cümlədən kənd təsərrüfatı kimyası, farmaseptik preparatlar və parfümeriyada istifadə olunan maddələr.
Həm də suyun çirklənməsi səbəbilə Dneprdə balıqlar kütləvi halda məhv olurlar, çayın dibinin dərinləşdirilməsi işlərinin görülməməsi səbəbilə, o, dayazlaşır. KİV-in məlumatına görə, çay hövzəsinin ekoloji sağlamlaşdırılması və içməli suyun keyfiyyətinin yaxşılaşdırılmasına 2017-2020-ci illər ərzində 4,2 milyon qriven yönəldilib, çay hövzəsinin istifadəsi isə dövlət büdcəsinə 100 milyard qrivendən artıq vəsait gətirib.
