Ermənistanda yeni nazirlər təyin edildi
Ermənistan Prezidenti Armen Sarkisyan altı nazir və bir Baş nazirin müavininin təyin olunması ilə bağlı sərəncamlar imzalayıb.
Azsiyaset.com “Sputnik Ermənistan”a istinadən xəbər verir ki, Mqer Qriqoryan Nikol Paşinyanın təklif etdiyi kimi Baş nazirin müavini təyin olunub.
Sərəncamlara əsasən, Vaan Kerobyan iqtisadiyyat naziri olaraq vəzifəsində qalıb. Bununla yanaşı, təhsil, mədəniyyət, elm və idman naziri Vaqram Dumanyan, fövqəladə hallar naziri Andranik Piloyan və səhiyyət naziri Anait Avanesyan da həmçinin tutduqları vəzifələrdə qalıb.
Bildirilir ki, ölkənin sabiq ombudsmanı Karen Andreasyan ədliyyə naziri təyin olunub.
A.Sarkisyanın digər sərəncamına əsasən, ölkənin keçmiş iqtisadiyyat naziri Tiqran Xaçatryan isə maliyyə naziri olub. O 2020-ci ilin noyabr ayinda vəzifəsini tərk edib.
Qeyd edək ki, Ermənistan Prezidenti Armen Sarkissian avqustun 2-si Nikol Paşinyanın Baş nazir vəzifəsinə təyin olunması ilə bağlı sərəncam imzalayıb.
