Səudiyyə Ərəbistanında böyük korrupsiya əməliiyatı - 207 dövlət məmuru həbs olundu
Səudiyyə Ərəbistanında bəzi məmurlar da daxil olmaqla, 207 nəfər korrupsiya və rüşvət ittihamları ilə həbs olunub.
Azsiyaset.com xəbər verir ki, Səudiyyə Ərəbistanı Təftiş və Korrupsiyaya Qarşı Mübarizə İdarəsinin yazılı açıqlamasına görə, 11 iyul-9 avqust tarixləri arasında korrupsiya, rüşvət və dövlət vəzifəsindən sui-istifadə kimi 878 cinayət və intizam işi daxilində araşdırmalara başlanılıb.
Açıqlamada, daxili işlər, xarici işlər, ədliyyə, səhiyyə, təhsil və ticarət nazirliklərindən olan 207 nəfərin nəzarətə alındığı və bu şəxslərin ədliyyəyə gətirilməsi üçün hüquqi prosedurların davam etdirildiyi ifadə edildi.
2018 -ci ilin mart ayında Səudiyyə Ərəbistanı Kralı Salman bin Abduləziz korrupsiya iddiaları araşdırmaq üçün xüsusi şöbələrin yaradılmasını təsdiqləyib.
