"Kabil aeroportundakı xaosa görə ABŞ məsuliyyət daşıyır" - "Taliban"
Taliban Kabil beynəlxalq aeroportundakı iğtişaşların və xaosun məsuliyyətini ABŞ-ın üzərinə qoyub.
“Azsiyaset” xəbər verir ki, bu barədə “Al Arabiya” telekanalının yaydığı məlumatda deyilir.
Bildirilib ki, taliblərin rəhbərliyi hesab edir ki, Kabil aeroportundakı xaosun məsuliyyətini Birləşmiş Ştatlar daşıyır.
Talibanın nümayəndəsi bundan əvvəl etiraf etmişdi ki, Kabil aeroportunda və onun ətrafında qayda yaradılması və hökm sürən xaosun aradan qaldırılması sadə məsələ deyil. Hərəkat beynəlxalq qüvvələrdən xarici qoşunların Əfqanıstandan çıxarılması planına dair dəqiq izahat almaq istəyirdi.
Hazırda Kabil beynəlxalq aeroportunun sutkalıq işini NATO dövlətlərinin 800-ə yaxın mülki nümayəndəsi təmin edir, qayda-qanunu isə ABŞ, Böyük Britaniya və Türkiyə hərbçiləri dəstəkləyir.
KİV-in məlumatına əsasən, minlərlə insan ölkədən çıxmağa cəhd göstərir. Uçuş-eniş zolağına çıxan kütləni qovmaq üçün hərbçilər gözyaşardıcı qazdan istıfadə edir, havaya atəş açırlar.
İnsanlar havaya qalxan təyyarələrin şassisindən və füzelyajından yapışırlar. Bu insidentlər nəticəsində azı 12 nəfərin həlak olduğu bildirilir
