"Taliban" üzvləri canlı yayıma silahla çıxdılar - VİDEO
Əfqanıstanda “Taliban” üzvləri əllərində silahla canlı yayıma çıxıblar.
“Azsiyaset" xəbər verir ki, görüntülər sosial mediada müzakirələrə səbəb olub.
Aparıcının qorxu dolu baxışları diqqətdən qaçmayıb. Hadisə “Əfqanıstan” TV-nin efirində yaşanıb.
Verilişin mövzusu “Taliban”ın Kabil Hava Limanına nəzarəti ələ alması olub. Bir qrup “Taliban” komandirini efirə çıxaran kanalda xəbər spikerinin sağında və solunda silahlı şəxslər dayanıb.
Aparıcı iştirakçıları və proqramın mövzusunu bu vəziyyətdə anons edib.
“Bir gün ABŞ-ı məğlub edəcəyimizdən əmin idik”, - “Taliban” komandiri bildirib.
“Sülh studiyası” adlı proqrama xüsusən yerli jurnalistlər sərt reaksiya veriblər. “Köçkün olmaq üçün başqa bir yol tapa bilərsiniz”, - “Taliban”a yaxın sosial media hesablarında sözügedən jurnalistlər hədələnib.
