Telman İsmayılov Monteneqroda niyə saxlanıldı? - SƏBƏBLƏR

20:45 

Rusiyanın paytaxtı Moskvada fəaliyyət göstərən Çerkizovski bazarının keçmiş direktoru Telman İsmayılovun Monteneqroda saxlanılmasının səbəbi məlum olub.

Lenta.ru HTB telekanalına istinadən xəbər verir ki, azərbaycanlı iş adamını bir neçə qətlin təşkilatında ittiham olunur.

Qeyd olunur ki, söhbət iki iş adamı - Vladimir Savkin və Yuri Brılyovun 11 noyabr 2016-cı il tarixində öldürülməsindən gedir. Rusiyada Telman İsmayılovu ömürlük həbs gözləyir.

Bundan əlavə qeyd olunur ki, iş adamlarının öldürülməsindən başqa, T.İsmayılov müğənni Avraam Russonun 2004-cü ildə qaçırılmasında da ittiham olunur. 

Qeyd edək ki, bir qədər əvvəl Telman İsmayılovun vəkili Marina Rusakova azərbaycanlı iş adamının saxlanılması haqda xəbəri təsdiq etməyib və deyib ki, hələlik bu barədə heç bir məlumatı yoxdur. Vəkilin sözlərini RİA-Novosti agentliyi yayıb. 

-----

Rusiyanın paytaxtı Moskvada Çerkizovski bazarının keçmiş direktoru Telman İsmayılov Monteneqroda saxlanılıb. Bu barədə TASS Monteneqronun "Vesti" portalına istinadən məlumat yayıb. Qeyd olunur ki, ilkin məlumata görə, o, 2 sahibkarın qətlini təşkil etməkdə ittiham olunur. İsmayılova 11 noyabr 2017-ci ildə ittiham irəli sürülüb, azərbaycanlı iş adamının axtarışı İnterpol vasitəsilə həyata keçirilib. Bu ilin iyun ayında Monteneqro polisi Podqoritsa bölgəsində beynəlxalq həbs qərarı çıxarılan iki xarici vətəndaşı axtardıqlarını bildirib. Onlardan biri iş adamı Telman İsmayılov olub.

T.İsmayılov 2018-ci ildə Monteneqro vətəndaşlığı alıb.